एलपिपिजे फेलोशिप द्वारा संविधान संशोधन सम्बन्धी सुझाव सरकारसमक्ष पेश गर्ने निर्णय

काठमाडौं । एलपिपिजे फेलोशिपले संविधान संशोधन सम्बन्धी सुझाव सरकारसमक्ष पेश गर्ने निर्णय गरेको छ। आज लाजिम्पाटस्थित फेलोशिपको कार्यालयमा सम्पन्न बैठकले अधिवक्ता चेत आलेको नेतृत्वमा तयार गरिएको संविधान संशोधन सुझाव पत्रको मस्यौदा पारित गरेको हो।

बैठक कार्यकारी निर्देशक रामेश्वरी जोशीको अध्यक्षतामा सम्पन्न भएको थियो । बैठकपछि कार्यकारी निर्देशक जोशीले पारित सुझाव पत्र इमेलमार्फत सम्बन्धित निकायमा पठाइने तथा लगत्तै बहसपत्र निर्माण कार्यदलको सचिवालयमा समेत पेश गरिने जानकारी दिनुभयो ।
एलपिपिजे फेलोशिप अधिवक्ता, प्रहरी, राजनीतिज्ञ तथा पत्रकारहरूको साझा संगति तथा सहकार्यको मञ्चका रूपमा सक्रिय रहेको छ ।