ख्रीष्टियन जर्नालिस्ट फेलोसिप नेपाल एनसीएफ नेपालमा आवद्ध 

सदस्यताको प्रमाणपत्र ग्रहण पश्चात सामूहिक तस्विर खिचाउँदै सिजेएफ नेपालका पदाधिकारीको साथमा नेपाल राष्ट्रिय मण्डली संगतिका केन्द्रीय अध्यक्ष रेभ. हनोक तामाङ, महासचिव शेर बहादुर एसी र पूर्व महासचिव तथा विल्ड इन्टरनेशनलका राष्ट्रिय निर्देशक रेभ. हर्क खड्का

फोटो : सुनिल लामा /संगम श्रेस्ठ

१३ साउन, काठमाडौँ । ख्रीष्टियन जर्नालिस्ट फेलोसिप नेपाल नेपाल राष्ट्रिय मण्डली संगति (एनसीएफ नेपाल)मा विधिवतरुपमा आवद्ध भयको छ । सिजेएफ नेपालले एक औपचारिक कार्यक्रमकाबीच नेपाली मण्डली इतिहासकै पहिलो, ठुलो र बलियो ख्रीष्टियनहरुको साझा संस्था र नेपाली मण्डलीको संयुक्त आवाज नेपाल राष्ट्रिय मण्डली संगति (एनसीएफ नेपाल)को सदस्यता लिएको हो । ख्रीष्टियन आस्थामा रहेका पत्रकारहरुविच संगठित रुपमा संगति गर्दै ख्रीष्टियन समुदायको आवाजलाई पत्रकारितामार्फत पहुँचयोग्य बनाई सचेत र जागरुक गराउन पैरवी गर्ने र पत्रकारितामार्फत ख्रीष्टियन आस्थामा रहेका पत्रकारहरुको सर्वाङिण विकासका लागि काम गर्ने सुनौलो ढोका खुलेको सिजेएफ संयोजक दिनेश श्रेष्ठले बताए । तेस्तै ख्रीष्टियन समुदायको हकहित र अधिकारको आवाजलाई पत्रकारितामार्फत पहुँचयोग्य बनाउने सवालमा र ख्रीष्टियन आस्थामा रहेका पत्रकारहरुको सर्वाङिण विकासका लागि आगामी दिनमा नेपाल राष्ट्रिय मण्डली संगति (एनसीएफ नेपाल) र सिजेएफ नेपाल संगसंगै रहेर सहकार्य समन्वय गर्दै जाने एनसीएफ नेपालका केन्द्रीय अध्यक्ष रेभ. हनोक तामाङले बताए ।