अपील त्रिपाठीलाई मसिह पार्टीका अध्यक्ष भरत गिरीको चेतावनी

तनहुको एउटा चर्चका अगुवाले सहुलियत मुल्यमा वाख्रा पाल्न सहयाेग गरेकाे, तालिमकाे व्यवस्था गरिदिएकाे र निरन्तर वाख्राकाे उपचार र स्याहारमा सहयाेग गर्ने आश्वासन दिएकाे आधारमा पत्रकार अपील त्रिपाठिले निर्माण गरेकाे एउटा टिभि कार्यक्रम मार्फत उनले अल्पसंख्यक इसाई समुदायको मानमर्दन गरेको भन्दै मसिह पार्टीका अध्यक्ष भरत गिरीले आपत्ति जनाएका छन । पत्रकार त्रिपाठीले सम्पूर्ण इसाई समुदायको भावनामा चोट पुर्याएको कारण तुरुन्त माफी माग्न अनुरोध गरेका छन् अन्यथा तीसौ लाख इसाई समुदायले बहिस्कार गर्ने चेतावनी अध्यक्ष गिरीले दिएका छन् । त्रिपाठीले आफै न्यायधिस र प्रहरी जस्तो गरि एक जना सोझा पास्टरलाइ अन्तर्वार्ताको नाममा डर धम्कि दिएको, सामाजिक सेवा जस्तो बिषयलाई धर्म संग जोडेर धार्मिक द्वन्द फैलाउने कुत्सित उद्देश्य राखेको र पत्रकारिताको सामान्य मूल्य र सिद्धान्तलाई समेत उनले ख्याल नगरेको भन्दै तुरुन्त छानबिन र कारवाहीको लागि अध्यक्ष गिरीले पत्रकार महासंघ , प्रेस काउन्सिल र जिल्ला प्रशासन कार्यालय कास्किको ध्यानाकर्षण गराएका छन् ।