बिलिभर्स इस्टर्न चर्चबाट राहत बितरण सम्पन्न

बिलिभर्स इस्टर्न चर्च भद्रपुरले लामो समयसम्म लकडाउन लम्बिएकोले अभावमा परेका अशक्त बृद्ध वृद्धा, अपाङ्ग, एकल महिला र बेरोजगार ३४ परिवारलाई राहत बितरण गरेको छ ।

भद्रपुर नगरपालिका वार्ड नं. ३, ७, ८ र १० मा बसोबास गर्ने अति बिपन्न वर्गका ३४ घर परिवार निवासीलाई २५ केजीको १ बोरा मुन्सुली चामल, २ किलो मुसुरोको दाल र सन्फ्लावरको १ लिटर खाने तेल बितरण गरेको हो ।

राहत बितरण कार्यक्रमको अध्यक्ष फादर जगतबहादुर वाग्ले हुनुहुन्थ्यो, प्रमुख अतिथि भद्रपुर नगरपालिका उपप्रमुख श्री चन्द्रमाया श्रेष्ठ हुनुहुन्थ्यो भने अन्य अतिथिहरुमा भद्रपुर नं.पा. वार्ड नं. ८ का वडा अध्यक्ष श्री गौरव सुब्बा, भद्रपुर कार्य पालिका सदस्य श्री मूना खवास र नेकपा माओवादी नगर प्रमुख श्री शिवराज भण्डारी हुनुहुन्थो ।

उपस्थित अतिथिमध्ये कार्यक्रमका अध्यक्ष चर्चका फादर जगतबहादुर वाग्ले, प्रमुख अतिथि उपमेयर चन्द्रमाया श्रेष्ठ र वडा अध्यक्ष गौरव सुब्बाले मन्तव्य राख्नुभएको थियो ।