कन्सेप ईन्टरनेशनलको दोस्रो वार्षिकोत्सव सम्पन्न

१४ श्रावण , काठमाडौँ । कन्सेप ईन्टरनेशनलले आफ्नो स्थापनाको दोस्रो वर्षगाँठ मनाएको छ । यही जुलाई २३ मा भर्चुअल माध्यममार्फत विश्वका विभिन्न देशमा छरिएर रहेका नेपाली मूलका इसाई प्रोफेशनल्स तथा पेशागत व्यक्तिहरुको सहभागीतामा दोस्रो वार्षिकोत्सव सुसम्पन्न गरेको हो । कार्यक्रममा कन्सेप इन्टरनेशनल कार्यकारी समितिका सदस्य डा.ओलक सुनुवारले वचनबाट उत्साह दिनुभयो भने कन्सेप इन्टरनेशनल वोर्डका अध्यक्ष पास्टर क्रिस काफ्लेले कन्सेपको आइडेन्टीटी र मोडालिटीका वारे प्रकाश पार्नु भयो ।

कन्सेप इन्टरनेशनल वोर्डका महासचिव डा.विष्णु रेग्मीले कन्सेप इन्टरनेशनलको पृष्ठभूमी, परिचय, उद्देश्य र यस्का कार्ययोजनाहरु वारेमा जानकारी गराउनु भयो ।त्यस्तै, कन्सेप इन्टरनेशनल कार्य समितिका अध्यक्ष सुजन जोशीले कन्सेप इन्टरनेशनलको दर्शन र मिसनका वारेमा प्रष्टयाउनु भयो । कन्सेप इन्टरनेशनल बोर्डका कोषाध्यक्ष कृष्ण कालेब आचार्यले आर्थिक प्रतिवेदन प्रस्तुत गर्नु भयो ।पास्टर आर महर्जनले एकतामा नै वल छ भन्ने विषयमा संदेश वाँड्नु भयो भने पास्टर भिम गुरुङले कन्सेपको आगामी योजनाको वारेमा बताउनु भयो । दोस्रो वार्षिकोत्सव कार्यक्रमलाई कन्सेप इन्टरनेशनल कार्य समितिका अर्का सदस्य डि.वि.राउतले संचालन गर्नु भयो भने कन्सेप इन्टरनेशनल कार्य समितिका उपाध्यक्ष पास्टर रमेश मैनालीले धन्यवाद ज्ञापन गर्न भयो ।

अमेरिकालगायत विश्वका विभिन्न देशमा छरिएर रहेका नेपाली मूलका इसाई पेशागत तथा व्यवसायीहरुको एक समूह हो । जसले नेपाललगायत अन्तराष्ट्रिय समुदायमा धार्मिक सहिष्णुता,सामाजिक समानता र आर्थिक उत्थानको प्रवर्धन गर्ने लक्ष्य लिएको छ ।