समलिङ्गी सम्बन्धलाई विवाहको मान्यता दिनु हुँदैन : डा. सुन्दर थापा

समलिङ्गी सम्बन्धलाई विवाहको मान्यता दिनु हुँदैन, किनकि यो विवाह नै होइन, यो विकृति हो, अप्राकृतिक कुरा हो, अनुत्पादक कुरा हो । यदि हामी चुपलागेर बस्यौँ भने, कान र आँखा छोपेर बस्यौँ भने, यस्तो विकृतिको विरूद्धमा को उठ्ने । यो देश बचाउन को खडा हुने ? भन्ने प्रश्न उब्जन्छ । यो प्राकृतिक नियम विरूद्धमा छ । एक सद्धे पुरूषले अर्को सद्धे पुरूषसँग विवाह गर्छु भन्दा, अफ्नो लिङ्ग काटेर स्त्री बन्छु भन्दा कति नसुहाउँदो हुन्छ । यो लज्जाको कुरा हो । कति आमाबुबा अमेरिका गए छोराछोरीसँग बस्न, तर त्यहाँको वातावरण देखेर नेपाल फर्केर आए । अर्का आमाबाबुको छोराले बिहा गरेर बुहारी ल्याउँछ भनेको त अर्को केटो पो बिहे गरेर ल्यायो । कस्तो अवस्था । यस्तो समस्या छाइसकेको छ गृहमन्त्रालयले परिपत्र जारी गरेर सबै पालिकाहरूमा समलिङ्गी विवाह दर्ता गर्दै गर्ने आदेश दिएको छ ।

सडकमा हिँड्दा पनि हामी लाज मान्नुपर्ने अवस्था भएको छ, उनीहरू त लजाउँदैनन् । यो देशलाई समलिङ्गीहरूको केन्द्र बनाउने, बाहिरका स्त्रीहरूले नेपालका स्त्रीहरूसँग विवाह गर्ने, बाहिरका पुरूषहरूले यहाँका पुश्रषहरूसँग विवाह गर्नेभएपछि, यस्तो हुँदैगएपछि उनीहरूले हक पनि माग्नेछन् । हामी सोझासाझा नेपालीहरू तर विदेशीहरू त चलाख हुन्छन् । भोलि हाम्रो राज्य नै हड्पेर हाम्रो धनसम्पत्ति सबै लुटेर लगे भने ? यसरी विदेशीहरूको संख्या हाम्रोभन्दा बढी भएर देश नै कब्जा गर्ने पो हुन् कि भन्ने डर छ । यहाँ सुरक्षाको पनि ख्याल गर्नुपर्नेरहेछ । सन्तान जन्मेन भने त जनशक्तिको पनि अभाव हुनेरहेछ । अहिले केही जवानहरू विदेशमुखी हुँदा, शहर बजारकेन्द्रित हुँदा त गाउँ घरमा झार उम्रेको छ । काम गर्ने मानिस छैनन् । भोलि सन्तानै जन्मिएनन् भने त कस्तो भयावह अवस्था होला ।

यो कुनै धार्मिक समुदाय वा समूहको मात्रै अभियान वा चासो होइन, तर सबैको चिन्ताको विषय हो । कहिले कहिँ मलाई लाग्छ, नेपाल त कतै थाहै नपाइकन धमिराले खाइसकेको गोलो जस्तो त बनिसकेको छैन ? यो धर्म संस्कृति र परिवारको विरूद्धमा छ । यसले त समाज र राष्ट्रकै भविष्यमा संकट ल्याउने सम्भावना म देख्दैछु । यदि समलिङ्गी सम्बन्धलाई विवाह दर्ताको हक दियो भने, भोलि विदेशका नागरिकहरू अएर यहाँ विवाह गरेर नागरिकताको हक खोज्नेछन् । सोझासाझा जनताहरू उनीहरूसँग प्रतिस्पर्धा गर्न सक्दैनन् । अन्तराष्ट्रिय परिस्थिति पनि सहज छैन । यहाँ माननीय ज्युहरू हुनुहुन्छ, उच्च अहोदामा हुनुहुन्छ । निर्णायक निकायमा हुनुहुन्छ । यहाँहरूले यस विषयमा ख्याल गरिदिनुभएन भने यसले भयावह परिस्थिति ल्याउनेछ ।

यहाँ पैसा खन्याएर एलजिबिटि ल्याएर यहाँ जनसंख्या कम बनाउने षड्यन्त्र हुनसक्छ । श्रम, कृषि उत्पादनको क्षेत्रमा काम गर्ने जनशक्तिको अभाव हुनेछ, सुरक्षाको काम गर्ने जवानहरू हुनेछैनन् । सैन्य सुरक्षा कमजोर हुनेछ । सन्तान नै नजन्माए पछि त हाम्रो वंश नै समाप्त हुन्छ । मेरै छोराहरूको कुरा गर्दा, कतै उनीहरूले केटीसँग विवाह नगरेर दाजुभाइसँग, वा अर्को केटासँग वा टेबल कुर्सीसँग विवाह गर्छु भन्दा यो बाबुको मन कस्तो हुन्छ होला ? यो देशलाई कमजोर बनाएर उनीहरूले जे भन्छन् त्यही गर्नुपर्ने स्थिति जन्मन सक्छ । यदि हामी जुर्मुराएनौँ, तातेनौँ, यसको विरोध गरेनौँ भने देश स्वाहा समेत हुनसक्छ । यो गम्भीर मुद्दालाई माननीय ज्युहरूले संसदमा अवाज उठाउनुहुनेछ भन्ने अनुरोध र अशा राख्दछु ।

यी विचारहरू डा सुन्दर थापा ज्युले समलिङ्गी विवाह जस्तो गम्भीर मामिलामा सांसदहरूसँगका अन्तरक्रिया कार्यक्रमका क्रममा व्यक्त गर्नुभएका विचारहरू हुन् । लामो समयदेखि समाज र राष्ट्रमा सेवकका रूपमा परिचित उहाँ नागरिक सरोकार नेपालका संस्थापक अध्यक्ष समेत हुनुहुन्छ ।