चर्च परिषदले संयुक्त प्रार्थना, छलफल, चिन्तन तथा वहस कार्यक्रम गर्ने

संयुक्त राष्ट्रिय नेपाली चर्च परिषद UNNCC ले राष्ट्र, समाज, राष्ट्रिय तथा अन्तराष्ट्रिय नेपाली चर्च तथा ख्रीष्टियन समुदायको लागि संयुक्त प्रार्थना, छलफल, चिन्तन तथा वहस कार्यक्रम आयोजना गर्ने भएको छ ।

यही माघ ६ गते आइतवार ललितपुर थसिखेल स्थित नहेम्याह ईन्स्टिच्यूट, एनसिएसको मिटिङ्ग हलमा आयोजना हुने उक्त प्रार्थना तथा वहस कार्यक्रमको संयोजन र सहजीकरण परिषदका केन्द्रीय संयोजक पा. भव घलेले गर्नुहुनेछ भने हालै मात्रै दर्ता सम्पन्न गिर्जाघर (चर्च) निजि गुठीका प्रतिनिधिले गुठी संवन्धि कार्यपत्र प्रस्तुत गर्नुहुनेछ । त्यस्तै प्रवक्ताका रुपमा अधिवक्ता भविन्द्र राई र दिनेश श्रेष्ठले आफ्नाे धारणा राख्नुहुनेछ ।

कार्यक्रम दिउंसाे २ वजे देखि ५ वजे सम्म हुने र कार्यक्रममा प्रत्यक्ष उपस्थित हुन नसक्नेहरुकाे लागि अनलाइन प्लाटफर्म जुम मार्फत सहभागी हुने व्यवस्था गरिएको संयाेजक घलेले वताउनुभयाे । जुम मार्फत सहभागी हुन चाहनेहरुलाइ निम्न मिटिङ्ग आइडि र पासवर्ड प्रयाेग गरी वहस कार्यक्रममा सहभागी हुन वहांले अनुराेध गर्नुभयो ।

Meeting ID: 977 517 0227, Password: unity