राष्ट्रिय युवा आयोगको आयोजनामा शैक्षिक करियर विकास तथा परामर्श कार्यक्रम सम्पन्न

२०७९ श्रावन २७, काठ्माण्डाै । भर्खरै एस ई ई (SEE) काे रिजल्ट सार्वजनिक भएकाे र कक्षा १२ का विध्यार्थिहरु रिजल्टकाे प्रतिक्षामा वसिरहेकाे सन्दर्भ र उनिहरुलाइ करियर छनोटको समस्या भईरहेको अवस्थालाई मध्यनजर गर्दै भविष्यमा कुन विषय, कहाँ,कसरी अध्ययन गर्ने र कुन पेशामा लाग्ने भन्ने कुरालाइ गम्भिर विषयको रुपमा लिई एस ई ई (SEE) तथा ११ र १२ कक्षामा अध्ययनरत र परिक्षा सकाएर बसेका विद्यार्थीहरुका निम्ती एनसिएफ नेपाल संवद्ध राष्ट्रिय युवा आयोगको आयोजनामा “टुडे फर टुमरो” (Today for Tomorrow) शैक्षिक करियर विकास तथा परामर्श कार्यक्रम सम्पन्न भएकाे छ ।

क्वाइनोनिया पाटन मण्डली कुमारीपाटीमा सम्पन्न भएकाे कार्यक्रममा सुचना प्रविधि / इन्जिनिएरिङ्ग, पत्रकारीता, स्वास्थ्य तथा विज्ञान, कानुन, व्यापार व्यवसाय तथा व्यवस्थापन, खेलकुद र संगीत विषयमा संवन्धित विषयका विज्ञहरु डा. नकुल तामाङ्ग, कुमार सिंह विष्ट, आशिष् न्याैपाने, आशिष् खड्का, लविस राइ, राजेश राइ लगाएतले परामर्श दिनुभएकाे थियाे । कार्यक्रमका विशेष वक्ता प्राेफेसर डा. तिमाेथि अर्यालले उत्साह, आंट, साहस र आत्मविश्वासकाे वारेमा वाेल्दै विध्यार्थिहरलाइ उत्प्रेरित गर्नुभएकाे थियाे भने प्रमुख अतिथि एनसिएफएनका अध्यक्ष रेभ. हनाेक तामाङ्गले जीवनमा आउने अवसर र चुनाैतिहरुकाे वारेमा प्रकाश पार्दै नयां पुस्तालाई मण्डली र राष्ट्रकाे जिम्मेवारी लिन अपिल गर्नुभएकाे थियाे । कार्यक्रममा उपत्यकाभरिका मण्डलीहरुवाट करिव २०० विध्यार्थिहरुकाे उपस्थिति रहेकाे थियाे । दक्ष र अनुभवि तथा विषयगत प्रशिक्षकहरुद्वारा प्रशिक्षण लिएपछि विध्यार्थिहरुमा उत्साह थपिएकाे र आत्मविश्वासमा वृद्धि भएकाे वताउंदै यस्ता प्रभावकारी युवा लक्षित कार्यक्रम निरन्तर गर्दै जाने युवा आयाेगका अध्यक्ष लाजरस तामाङ्गले वताउनुभयाे । अध्यक्ष तामाङ्गकाे अध्यक्षतामा सम्पन्न भएकाे कार्यक्रमकाे सञ्चालन सचिव मारिया तामाङ्गले गर्नु भएकाे थियाे ।