आपतकालीन वैठक : पास्टर, अगुवाहरुलाई उपस्थित हुन भव घलेको आह्वान

आदरणीय उपत्यकावासी , पास्टर, अगुवा, संस्था प्रमुख, नेपाली चर्चका प्रतिनिधि संघसंस्था, दाजुभाइ, दिदीबहिनीहरू, बिगत दुई-तिन देखि जारी अबिरल वर्षाले राजधानि काठ्माण्डौ भ्याली लगाएत, देशभर विभिन्न ठाउँहरूमा ठूलो धनजनको क्षति पुर्‍याएकोछ। कृपया सुरक्षित रहनुहोला र पीडितहरूको लागि प्रार्थना गर्नुहोला।

यस अवस्थामा यस्ता दुर्घटना तथा प्रकोपहरुमा परेका पिडीतहरुको राहत तथा उद्दारको लागि सम्पूर्ण इसाई चर्च, समुदाय, ईसाई संघसंस्थाहरू एक ठाउँमा उभिएर राहत व्यवस्थापनका लागि तयारी अवस्थामा एकजुट हुनुपर्ने स्थिति र आवस्यकत्ताको महशुस भईरहेकोछ । तसर्थ लामो समयदेखि राष्ट्रिय रूपमा नेपाली चर्च र ख्रीष्टियन समुदायको तर्फबाट समन्वय गर्दै आएका, सम्भवत नेपालको लागि एक मात्र राष्ट्रिय ईसाई राहत तथा पुनस्थापना व्यबस्थापन संस्था Nepal Christian Relief Service (NCRS) को संयोजन र पहलमा, NCFN, NCS, FNCN, UMN, WV, INF, UVN, Micah Network, HDCS, Good Neighbours, AWANA, CARNET, SHANTI NEPAL, RESCUE NEPAL, EQUIP NEPAL, COM NEPAL लगायतका अन्य संस्थाहरू र सञ्चारकर्मीहरू एकत्रित भई उद्धार तथा राहत व्यवस्थापनका लागि तयारी अवस्थामा रहन र समन्वय गर्न प्रस्ताव गर्दै हार्दिक अनुरोध तथा अपिल गर्दछौं।

यस सम्बन्धमा छलफल गर्न आइतबार मिति २०८१ असोज १३ (तदनुसार Sunday, 29 September 2024) बिहान १० बजे संयुक्त दर्शन नेपालको कार्यालय, UVN Office, बाघडोल, ललितपूरको बैठक हलमा संस्था प्रमुख तथा संस्थाका सम्बन्धित प्रतिनिधिहरूलाई उपस्थित हुन हार्दिक अनुरोध गर्दछौं।

धन्यवाद !

बिबि घले, राष्ट्रिय तथा केन्द्रीय संयोजक संयुक्त राष्ट्रिय नेपाली चर्च परिषद्

United National Nepali Church Council (UNNCC)