ख्रिष्टियन आयोग माग्दै माइतीघरमा धर्ना

काठमाडौं । नेपाल धर्मनिरपेक्ष भएको यतिका वर्ष भइसक्दा पनि सरकारले त्यसको पूर्ण रुपमा पालना नगरेको राष्ट्रिय ख्रीष्टियन आयोग संघर्ष समितिले आरोप लगाएको छ । कालबाहादुर बि.क. अध्यक्ष रहको सो संघर्ष समितिले माईतिघर मण्डलामा केहि दिन अघिदेखि राष्ट्रिय ख्रीष्टियन आयोगको माग गर्दै शान्तिपूर्ण धर्ना दिइरहेको छ । संविधानले धर्म निरपेक्षता घोषणा गरेता पनि व्यवहारमा भने लागू नभएको भन्दै उनीहरुले सरकारलाई चुनौती दिँदै कसैलाई काखा र पाखा चेतावनी दिनुभयो । संघर्ष समितिले इसाई समुदायको हक अधिकार सुुुनिश्चित गर्न सरकारसँग माग गरेको अध्यक्ष बिकले बताए ।

लामो समयदेखि इसाई समुदायका धर्मगुरुहरू आफ्नो आस्था विश्वासको अभ्यासकै कारणले जेल जानुपरेको बताउँदै अमानविए व्यवहारसँगै मानवताको उल्लङ्घन भएको निष्कर्ष निकाल्दै विभिन्न प्रकारको आरोपसँगै दुःख र कष्टहरु भोग्नु परेको बताउँदै उनीहरुले सिङ्गो देश नेपालमा बसोबास गर्दै आएका सम्पुर्ण इसाई समुदायहरूको हक हित र सुरक्षाको लागि ख्रीष्टियन आयोगको आवश्यकता रहेकोले धर्ना बसेको सङ्घर्ष समितिका उपाध्यक्ष जेपी बज्राचार्यले बताए । धर्मनिरपेक्ष राष्ट्रमा सबै धर्मलाई समान हक अधिकार प्रदान गर्ने दायित्व सरकारको रहेको बताउँदै अध्यक्ष बिकले आहिले आफ्नो धर्म र आस्थाको अभ्यास गरेकै कारण जेल जानुपर्ने, इसाई समुदायको वर्षौंदेखिको मुद्दाहरू छानबिन नभएको, मागहरु सुनुवाई नभएको र सरकार वार्ता गर्न नचाहेको, सरकारले यो विषयलाई गम्भीर रुपमा नलिएको भन्दै सिङ्गो इसाई समुदायको हकहितको लागी ख्रीष्टियन आयोगको आवश्यकता रहेको संघर्ष समितिका अध्यक्ष बिकले बताए ।