बाइबल कलेज द्वारा सुकुम्वासी वस्तीमा राहत वितरण

भाद्र १, काठमाडौ । वाढी प्रभावीत थापाथली स्थित सुकुम्वासी वस्तीका विपन्न परिवारहरुलाइ पावल थियाेलाेजीकल सेमीनारीले राहत वितरण गरेकाे छ । केही दिन अघि लगातार भएकाे वर्षाकाे कारण वागमती, विष्णुमती, मनोहरा, हनुमन्ते, रुद्रमति आदि खोलामा पानीको वहाव बढ्दा खोला छेउका वस्तीरहरु डुवानमा परेको थियो । वागमतीमा आएको बाढीका कारण थापाथली स्थित सुकुम्बासी वस्ती डुवानमा परेकाे थियाे । सोही डुवानमा परि प्रभावित १०० घरपरिवारलाई पावल थियोलोजीकल सेमिनारीले राहत बितरण गरेको हाे । विगतमा पनि विभिन्न प्राकृतिक प्रकोपले प्रभावित स्थानमा सहयोग गर्दै आइरहेको यस बाइबल कलेजले यस पटक भने काठमाडौँ स्थित थापाथलीमा रहेको सुकुमबासी वस्तिका प्रभावितहरुलाइ राहात स्वरुप खाद्यान्न वितरण गरेकाे हाे ।