समलैंगिकता र गर्भपतन जस्ता विकृतिहरूका विरुद्ध खबरदारी सभामा सहभागि हुन विदुर अधिकारीको अपील (भिडियो) 

समलैंगिकता, गर्भपतन र लिंग परिवर्तन जस्ता विकृतिले घरपरिवार र मानवीय अस्तित्वमाथि नै संकट उत्पन्न हुँदैगएको र यी विकृतिहरूको बढ्दो प्रभावले हाम्रो नैतिकता र मानव सभ्यतामाथि नै गम्भीर प्रश्न उठाएको तथा २०७२ सालको संविधानले सबैलाई समानता र भेदभावविना विवाह गर्न पाउने अधिकार दिएको तर समलिङ्गी विवाहको कुनै कानूनी प्रावधान नभएको अवस्थामा पछिल्लो समय एकपछि अर्को गर्दै समलिङ्गी विवाह दर्ता गरिनुले यस्तो विकृतिलाई वैधानिकता दिने काम गरेको भन्दै यस प्रकारका गतिविधिको विरुद्ध खबरदारी र राज्यको ध्यानाकर्षणका निमित्त यही  कार्तिक १४ गते, बुधबार, दिउँसो ११:०० बजे माइतीघर मण्डलामा भेला भई व्यापक खबरदारी र्यालीसहित विरोध कार्यक्रम आयोजना हुने भएको छ ।

कार्यक्रम आमूल परिवर्तन नागरिक पार्टीका उपमहासचिव तथा मुद्दा पहिचान तथा आन्दोलन परिचालन विभागका प्रमुख विदुर अधिकारीको संयोजकत्वमा हुनेछ । यस कार्यक्रमको मुख्य उद्देश्य सम्बन्धित निकायलाई यस्ता विकृतिहरूको विरुद्ध सचेत गराउने र यसका लागि आवश्यक हस्ताक्षर संकलन गरिने रहेको तसर्थ कार्यक्रममा आफ्नो नेतृत्वमा रहेको सामाजिक, धार्मिक, राजनीतिक, संघसंस्था, संगठन र अभियानका ब्यानर र पोशाक सहित व्यापक उपस्थिति गर्न गराउन संयोजक अधिकारीले अपील गर्नुभएको छ ।

कार्यक्रमको विवरण:- मिति:-२०८१ कार्तिक १४ गते (October 30, Wednesday)   भेला हुने स्थान:- माइतीघर मण्डला, काठमाडौँ   समय:- बिहान ११:०० बजेदेखि दिउँसो २:०० बजेसम्म नोटः ११:०० बजे माइतीघर मण्डलामा भेला भई, संक्षिप्त उद्घोषणसहित प्लाकार्ड, ब्यानर र जीवन तथा नैतिकता पक्षधर नाराहरूसहित संसद भवन, बानेश्वरसम्म पदयात्रापछि कोणसभासाथ कार्यक्रम सम्पन्न गरिनेछ ।  संपर्क : विदुर अधिकारी मो. 9849496482