NCFN अध्यक्षमा डा. किरण दास निर्वाचित

१९ जेठ २०८३, ललितपुर। नेपाल राष्ट्रिय मण्डली संगति नेपाल (एनसीएफ) को मंगलबार सम्पन्न ६६औँ अधिवेशनले किरणकुमार परियारलाई अध्यक्षमा निर्वाचित गरेको छ। उहाँले आफ्ना निकटतम प्रतिद्वन्द्वी रेभ. पास्टर विवि कार्कीलाई ३८ मतको अन्तरले पराजित गर्दै अध्यक्ष पदमा विजय हासिल गर्नुभएको हो ।

परियारको पक्षमा ३५९ मत खसेको थियो भने कार्कीको पक्षमा ३२१ मत खसेको निर्वाचन समितिका संयोजक चन्द्रमान नेपालीले जानकारी दिनुभयो । त्यस्तै, उपाध्यक्षमा तारासिंह गुरुङ, सचिवमा ईश्वरप्रताप लामा र कोषाध्यक्षमा वीरबहादुर तामाङ निर्वाचित हुनुभएको छ। त्यसैगरी सदस्यहरूमा उदयराज भट्ट, छवी मोक्तान, पदमप्रसाद सेडाईं, महेश दोङ र बोधराज सुनुवार निर्वाचित हुनुभएको छ ।

एनसीएफ नेपालको विधानअनुसार निर्वाचित पदाधिकारीहरूको कार्यकाल तीन वर्षको रहनेछ ।