सामाजिक एकता पार्टीको स्थाई समिति वैठक सम्पन्न

श्रावण १ आइतवार, काठमाण्डाै । सामाजिक एकता पार्टिकाे स्थायी समिति वैठक सम्पन्न भएकाे छ । केन्द्रीय अध्यक्ष सि. बि. गहतराजको अध्यक्षतामा पार्टी केन्द्रीय कार्यालय ललितपुरमा सम्पन्न उक्त वैठकले निकै दुरगामि र महत्वपुर्ण निर्णय गरेकाे पार्टिका सहमहासचिव, प्रचारप्रसार विभाग प्रमुख तथा प्रवक्ता मुरारी प्रसाद पाण्डेले वताए । बैठकमा केन्द्रीय कार्यकारिणी समितिको संख्या पुनरावलोकन, अनुशासन, पदाधिकारी तथा जिम्मेवारी हेरफेर, सहमतिअनुसार विधान संशोधन, जस्ता अहम् एजेण्डाहरू छलफलका लागि प्रस्तुत गरिएकाे र अधिकांश रूपमा सर्वसम्मतिद्वारा निर्णय भएकाे उनले वताए ।

अनुशासनको कारवाही :

पार्टि उपाध्यक्ष सुनिल महर्जनलाई पार्टीको साधारण सदस्य समेत नरहने गरी कारबाही गर्दै निष्कासन गर्ने र सोको जानकारी निजलाई गराइने निर्णय भएकाे प्रवक्ता मुरारीले वताए । कारवाहि गरिएका उपाध्यक्ष महर्जन माथि पार्टी कार्यालयमा तोडफोड गरेको, कार्यालय व्यवस्थापक कर्मचारी माथि अशिष्ट भाषा र अभद्र शैलीमा गालीगलौज गर्दै हातपात गरेको र निजको ल्यापटप तोडफोड गरेको तर त्यस्तो उच्छश्रृंखल कृत्य गरेको दुई दिन बितिसक्दा पनि कर्मचारी गोबिन्द बि.क.सँग क्षमायाचना नगरेको र उहाँको ल्यापटपको क्षतिपूर्ति नगरेको लगाएतका संगिन आराेपहरु लगाइएकाे छ । यस घटनामा महर्जनलाइ साथ दिने द्वारिका श्रेष्ठलाइ पनि स्पस्टिकरण माग गर्दै कारवाहिकाे चेतावनि दिइएकाे छ । भने पार्टीका ह्वाट्सएप ग्रुपहरूमा अशिष्ट भाषामा टिप्पणी पोस्ट गर्ने र धम्क्याउने कार्य गरेकाे आराेपमा मन प्रसाद जैसी (मनोज सुवेदी) लाई पनि साधारण सदस्य समेत नरहने गरी पार्टीबाट निस्कासन गरिएकाे पाण्डेले जानकारी दिए ।