नेपालगन्जमा प्रि ख्रिस्टमस कार्यक्रम सम्पन्न

जीएनएन चर्च वाँकेको आयोजनामा नेपालगंज स्थित मेरो प्लानेट रिसोर्टमा प्रि ख्रिस्टमस महोत्सव तथा सुभकामना कार्यक्रम सम्पन्न भएको छ । मुक्तिदाता येशु ख्रिस्टको जन्मोत्सव ख्रिस्टमसको ३ दिन अगाडी बाँकेमा भएका सवै जीएनएन चर्चहरुको सहभागितामा भव्य समारोह विच प्रि ख्रिस्टमस शुभकामना आदान प्रदान कार्यक्रम सम्पन्न भएको हो ।

सुभकामना कार्यक्रमको अध्यक्षता जीएनएन नेपालका संस्थापक तथा निर्देशक पास्टर प्रवजन शाहीले गर्नुभएको थियो । कार्यक्रममा विभिन्न राजनीतिक तथा सामाजिक व्यक्तित्त्वहरुलाई पनि निम्त्याइएको थियो । ख्रिस्ट जन्मोत्सवको यो सुभ अवसर ख्रिस्टको जन्म मृत्यु र पुनरुत्थानको सुसमाचार मानिसहरुलाई सुनाउने सु अवसर पनि भएकोले समाजका सवै प्रतिष्ठित व्यक्तिहरुलाई पनि कार्यक्रममा निम्त्याएर शुभकामना आदान प्रदान सहित सुसमाचार पनि सुनाइएको पास्टर शाहीले वताउनुभयो । कार्यक्रमको संचालन पास्टर प्रवजन उपाध्यायले गर्नु भएको थियो भने सहभागी सवै जीएनएन मण्डलीहरुले विभिन्न प्रतिभाहरु प्रस्तुत गरेका थिए । परमेश्वरको वचन वाट वोल्दै पास्टर प्रवजन शाहीले ख्रिस्टको वलिदान त्यसको अर्थ र महत्व वारे प्रस्ट पार्नुभएको थियो ।

त्यसो त जीएनएन परिवार अहिले एक हप्ता देखि  नेपालगंजका चोक र सडकहरुमा येशु ख्रिस्टको जन्म र मुक्तिको  सुसमाचार प्रचार मा व्यस्त छ । विहान सवेरै पास्टर शाही ख्रिस्टमसका लागि बिशेष गरि सजाइएको आफ्नो गाडी तयार गर्नुहुन्छ र कतिपय रेकर्डेड सामाग्री, गीत, भजन गाडीमा सेट गरिएको माइकमा वजाउन सुरु गर्नुहुन्छ । मण्डलीका अगुवाहरु र साथमा सहयोगीहरु लिनुहुन्छ अनि सुरु हुन्छ ख्रिस्ट जन्मोत्सवको सुसंदेश प्रचार यात्रा । विभिन्न सडक र चोकहरुमा पुग्ने र विभिन्न पत्र पत्रिकाहरु बाँड्ने, मौखिक सुसमाचार सुनाउने, प्रोजेक्टरको माध्यमवाट सुसमाचार मुलक भिडियो र चलचित्रहरु प्रदर्शन गर्ने, गीत भजन र नृत्य अनि सडक नाटकहरु प्रस्तुत गर्ने । 

नेपालगंज जस्तो संवेदनशील स्थानमा एस्तो जोखिम मोल्न डर लाग्दैन भन्ने प्रश्नमा पास्टर शाही भन्नु हुन्छ " आखिर जोखिम मोल्ने परेपछि किन खरावीमा जोखिम मोल्ने ? भलाइमा जोखिम मोल्ने हो । मर्नै पर्यो भने भलाइ गरेर मर्ने ।" वहाँ थप्नुहुन्छ "हाम्रो मण्डलीको नाम नै सुसमाचार मण्डली हो, हाम्रो मण्डलीको दर्शन १ तिमोथी २:४ (सारा जगतका सवै व्यक्तिले येशु ख्रिस्ट नै मुक्तिदाता हुनुहुन्छ भन्ने सत्य सुसमाचार सुन्न पाउन र विश्वाशद्वारा मुक्ति पाई सत्य इश्वरको ज्ञानमा आऊन ।) हो । येही दर्शन लाइ वोकेर प्रभुले दिनु भएको महान आज्ञालाइ पुरा गर्दा आइपर्ने सवै जोखिम मोल्न म र हाम्रो मण्डली तयार भएको हो ।"