परमेश्वरले चाहानुभएकाे आराधना विषयक एकदीने आत्मिक सम्मेलन सम्पन्न भएकाे छ । थाहा नगरपालिका १२, मकवानपुर स्थित पवीत्र पर्वत उपासना गैरीगाउं मण्डली काे आयाेजनामा सम्पन्न उक्त सम्मेलनमा डुनामीस बाइबल विधालयका निर्देशक तथा चिरपरिचित बाइबल शिक्षक मुकेश तामाङ्गले सिकाउनुभएकाे थियाे ।
परमेश्वरले चाहानुभएकाे आराधना भन्ने विषयमा डेढ-डेढ घण्टाकाे दुई वटा सेसनमा सेमिनारलाई विभाजन गरिएकाे थियाे । दुवै सेसनमा शिक्षक तामाङ्गले आराधना के हाे ? आराधना किन गर्ने ? आराधना कहाँ गर्ने ? आराधना कहिले गर्ने ? आराधना कसरी गर्ने ? भन्ने जस्ता प्रश्नहरुकाे गहिराइ पुर्वक व्याख्या र विश्लेषण सहित सिकाउनु भयाे । सिकाउने क्रममा वहाले भन्नुभयाे ” शनिवार चर्चमा हामीले गाउने गित संगीत र प्रशंसा तथा प्रार्थना मात्र आराधना नभएर आराधना परमेश्वर सँग दैनन्दीन संगत गर्नु हो, आराधना हाम्रो जीवनशैली हो त्यसकारण वचन र आत्मा द्वारा गरिएको आराधना नै परमेश्वरले चाहानु भएकाे आराधना हो ।”
आराधनाकाे वुझाइमा भएका कमि कमजाेरीहरु निवारण गर्ने सन्दर्भमा याे सेमीनार अति प्रभाकारी भएकाे र यस्ता प्रकारका सेमिनारहरु निरन्तर गरिरहनुपर्ने अनुभूति गरेकाे सेमीनारका सहभागी तथा मण्डलीका अगुवा राजेश सुनारले वताउनुभयाे ।
करिव १०० जना विश्वासीहरुकाे सहभागीता रहेकाे सेमीनारमा सुरुकाे प्रार्थना पवित्र पर्वत उपासना मण्डलीका मुख्य पास्टर सुर्य दुतराजले गर्नुभएकाे थियाे, मण्डलीका एल्डर साेलाेमन तामाङ्गले सवै सहभागीहरु र काठ्माण्डाै देखि आउनुभएका सम्पुर्ण पाहुनाहरुलाइ स्वागत तथा धन्यवाद ज्ञापन गर्नुभएकाे थियाे । मण्डलीका अगुवा इसाहाक ले सेमिनारलाई आैपचारीक रुपमा सञ्चालन गर्नुभएकाे थियाे भने पास्टर सुर्य दुतराजले आउने पाँच वर्ष भित्र १००० जना नयाँ आत्माहरु जीत्ने लक्ष्य मण्डलीले राखेकाे र याे लक्ष हासिल गर्न र मण्डलीलाइ सच्चा आराधककाे रुपमा निर्माण गर्न सेमिनारले ठूलाे मद्दत पुगेकाे भन्दै प्रभावकारी रुपमा सिकाउनु भएकाेमा शिक्षक मुकेश ताकाङ्गलाइ धन्यवाद व्यक्त गर्नुभयाे र अन्तिम प्रार्थना गरेर सेमीनार समापन गर्नुभयाे ।
